كلمات شيله شيخه ومشيخه وبنت المشايخ
كلمات شيله شيخه ومشيخه وبنت المشايخ، من أجمل الشيلات السعودية التي ملأت اليوتيوب ويهتم الكثير من المواطنين في البلاد بسماعها باستمرار، في موضوعنا هذا نضع كلمات الشيلة.
كلمات شيله شيخه ومشيخه وبنت المشايخ
من صافي الافكار جتك المناديب،،
نظمتها والشعر يزها مقامه،،
فتوح تستاهل جزيل المكاتيب،،
يادرةً مثل القمر في تمامه،،
يابنت شيخً وافين بالمواجيب،،
كساب للنوماس واهل الزعامه،،
لضيوفها تقدم بكثر التراحيب،،
وكلن يقدرها بعز وكرامه،،
ماخيبة هقوات ابوها ولاتخيب،،
الكل بادلها الوفاء بااحترامه،،
اللي عوايدها على العز والطيب،،
والزين تملك هيبته مع وسامه،،
انشهد انها سيد كل الرعابيب،،
نظراتها دايم تروم الغمامه،،
ترفه ودلوعه بحلو الاساليب،،
من الغنج فيها على الخد شامه،،
فيها الجمال اليوسفي مابها عيب،،
سبحان ربٍ كمله باانسجامه،،
تستاهل الغالي وكل المطاليب،،
مصيافيها بجنيف ولا المنامه،،
من باب تقدير الوفاء والاصاحيب،،
المحترم يفرض عليك احترامه،،
ياجعل امانينا على الوصل ماتخيب،،
ونعيش بالدنياء بخير وسلامه،،